قازاقستان رەسپۋبليكاسى ۇلتتىق بانكى باسقارماسىنىڭ قاۋلىسى  № 91

2015 جىلعى 27 مامىر, الماتى قالاسى كرەديتتىك بيۋرولاردىڭ, اقپارات جەتكىزۋشىلەردىڭ جانە كرەديتتىك ەسەپتەردى الۋشىلاردىڭ قىزمەتىن ۇيىمداستىرۋ كەزىندە اقپاراتتىق-كوممۋنيكاتسيالىق تەحنولوگيالاردى پايدالانۋعا جانە اقپاراتتىق قاۋىپسىزدىكتى قامتاماسىز ەتۋگە قويىلاتىن تالاپتاردى بەكىتۋ تۋرالى «قازاقستان رەسپۋبليكاسىنداعى كرەديتتىك بيۋرولار جانە كرەديتتىك تاريحتى قالىپتاستىرۋ تۋرالى» 2004 جىلعى 6 شىلدەدەگى قازاقستان رەسپۋبليكاسىنىڭ زاڭىن ىسكە اسىرۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى: 1. قوسا بەرىلىپ وتىرعان كرەديتتىك بيۋرولاردىڭ, اقپارات جەتكىزۋشىلەردىڭ جانە كرەديتتىك ەسەپتەردى الۋشىلاردىڭ قىزمەتىن ۇيىمداستىرۋ كەزىندە اقپاراتتىق-كوممۋنيكاتسيالىق تەحنولوگيالاردى پايدالانۋعا جانە اقپاراتتىق قاۋىپسىزدىكتى قامتاماسىز ەتۋگە قويىلاتىن تالاپتار بەكىتىلسىن. 2. وسى قاۋلىنىڭ قوسىمشاسىنا سايكەس قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ كۇشى جويىلدى دەپ تانىلسىن. 3. باقىلاۋ جانە قاداعالاۋ ءادىسناماسى دەپارتامەنتى ء(ابدىراحمانوۆ ن.ا.) زاڭنامادا بەلگىلەنگەن تارتىپپەن: 1) قۇقىقتىق قامتاماسىز ەتۋ دەپارتامەنتىمەن (دوسمۇحامبەتوۆ ن.م.) بىرلەسىپ وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن. 4. حالىقارالىق قاتىناستار جانە جۇرتشىلىقپەن بايلانىس دەپارتامەنتى (قازىباەۆ ا.ق.) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا رەسمي جاريالاۋعا جىبەرۋدى قامتاماسىز ەتسىن. 5. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى ق.ب. قوجاحمەتوۆكە جۇكتەلسىن. 6. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. ۇلتتىق بانك توراعاسى ق.كەلىمبەتوۆ. قازاقستان رەسپۋبليكاسىنىڭ ۇلتتىق بانكى باسقارماسىنىڭ 2015 جىلعى 2015 جىلعى 27 مامىرداعى № 91 قاۋلىسىنا قوسىمشا قازاقستان رەسپۋبليكاسىنىڭ كۇشى جويىلدى دەپ تانىلاتىن نورماتيۆتىك قۇقىقتىق اكتىلەرىنىڭ تىزبەسى 1. قازاقستان رەسپۋبليكاسى قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «كرەديتتىك تاريحتى قالىپتاستىرۋ جۇيەسىنە قاتىسۋشىلاردىڭ قىزمەتىندەگى اقپاراتتىق پروتسەستى ۇيىمداستىرۋعا جانە ونى پايدالانۋعا, قاۋىپسىزدىك جۇيەسىن قالىپتاستىرۋعا, ولاردىڭ ەلەكتروندىق جابدىقتارىنا, كرەديتتىك تاريحتىڭ دەرەكتەر بازاسىنىڭ ساقتالۋىنا جانە ءۇي-جايلارىنا قويىلاتىن ەڭ تومەنگى تالاپتاردى بەلگىلەۋ جونىندەگى نۇسقاۋلىقتى بەكىتۋ تۋرالى» 2008 جىلعى 18 شىلدەدەگى № 105 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5310 تىركەلگەن, «زاڭ گازەتى» گازەتىندە 2008 جىلعى 31 قازاندا № 166 (1392) جاريالانعان, قازاقستان رەسپۋبليكاسىنىڭ ورتالىق اتقارۋشى جانە وزگە دە ورتالىق مەملەكەتتىك ورگاندارىنىڭ اكتىلەر جيناعى 2008 جىلعى 15 قازاندا № 10). 2. قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «كرەديتتىك تاريحتى قالىپتاستىرۋ جۇيەسىنە قاتىسۋشىلاردىڭ قىزمەتىندەگى اقپاراتتىق پروتسەستى ۇيىمداستىرۋعا جانە ونى پايدالانۋعا, قاۋىپسىزدىك جۇيەسىن قالىپتاستىرۋعا, ولاردىڭ ەلەكتروندىق جابدىقتارىنا, كرەديتتىك تاريحتىڭ دەرەكتەر بازاسىنىڭ ساقتالۋىنا جانە ءۇي-جايلارىنا قويىلاتىن ەڭ تومەنگى تالاپتاردى بەلگىلەۋ جونىندەگى نۇسقاۋلىقتى بەكىتۋ تۋرالى» 2008 جىلعى 18 شىلدەدەگى № 105 قاۋلىسىنا وزگەرىس پەن تولىقتىرۋ ەنگىزۋ تۋرالى» 2011 جىلعى 26 تامىزداعى № 97 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7211 تىركەلگەن, «زاڭ گازەتى» گازەتىندە 2011 جىلعى 13 قازاندا № 149 (1965) جاريالانعان). 3. قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «كرەديتتىك تاريحتى قالىپتاستىرۋ جۇيەسىنە قاتىسۋشىلاردىڭ قىزمەتىندەگى اقپاراتتىق پروتسەستى ۇيىمداستىرۋعا جانە ونى پايدالانۋعا, قاۋىپسىزدىك جۇيەسىن قالىپتاستىرۋعا, ولاردىڭ ەلەكتروندىق جابدىقتارىنا, كرەديتتىك تاريحتىڭ دەرەكتەر بازاسىنىڭ ساقتالۋىنا جانە ءۇي-جايلارىنا قويىلاتىن ەڭ تومەنگى تالاپتاردى بەلگىلەۋ جونىندەگى نۇسقاۋلىقتى بەكىتۋ تۋرالى» 2008 جىلعى 18 شىلدەدەگى № 105 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» 2012 جىلعى 24 اقپانداعى № 89 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7620 تىركەلگەن, «ەگەمەن قازاقستان» گازەتىندە 2012 جىلعى 4 تامىزدا № 464-470 (27543) جاريالانعان). 4. قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «كرەديتتىك تاريحتى قالىپتاستىرۋ جۇيەسىنە قاتىسۋشىلاردىڭ قىزمەتىندەگى اقپاراتتىق پروتسەستى ۇيىمداستىرۋعا جانە ونى پايدالانۋعا, قاۋىپسىزدىك جۇيەسىن قالىپتاستىرۋعا, ولاردىڭ ەلەكتروندىق جابدىقتارىنا, كرەديتتىك تاريحتىڭ دەرەكتەر بازاسىنىڭ ساقتالۋىنا جانە ءۇي-جايلارىنا قويىلاتىن ەڭ تومەنگى تالاپتاردى بەلگىلەۋ جونىندەگى نۇسقاۋلىقتى بەكىتۋ تۋرالى» 2008 جىلعى 18 شىلدەدەگى № 105 قاۋلىسىنا وزگەرىستەر مەن تولىقتىرۋ ەنگىزۋ تۋرالى» 2013 جىلعى 25 قاڭتارداعى № 9 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8365 تىركەلگەن, «زاڭ گازەتى» گازەتىندە 2013 جىلعى 5 ماۋسىمدا № 81 (2282) جاريالانعان). قازاقستان رەسپۋبليكاسىنىڭ ۇلتتىق بانكىنىڭ باسقارماسىنىڭ 2015 جىلعى 27 مامىرداعى № 91 قاۋلىسىمەن بەكىتىلىگەن كرەديتتىك بيۋرولاردىڭ, اقپارات جەتكىزۋشىلەردىڭ جانە كرەديتتىك ەسەپتەردى الۋشىلاردىڭ قىزمەتىن ۇيىمداستىرۋ كەزىندە اقپاراتتىق-كوممۋنيكاتسيالىق تەحنولوگيالاردى پايدالانۋعا جانە اقپاراتتىق قاۋىپسىزدىكتى قامتاماسىز ەتۋگە قويىلاتىن تالاپتار تۋرالى 1. وسى كرەديتتىك بيۋرولاردىڭ, اقپارات جەتكىزۋشىلەردىڭ جانە كرەديتتىك ەسەپتەردى الۋشىلاردىڭ قىزمەتىن ۇيىمداستىرۋ كەزىندە اقپاراتتىق-كوممۋنيكاتسيالىق تەحنولوگيالاردى پايدالانۋعا جانە اقپاراتتىق قاۋىپسىزدىكتى قامتاماسىز ەتۋگە قويىلاتىن تالاپتار (بۇدان ءارى – تالاپتار) «قازاقستان رەسپۋبليكاسىنداعى كرەديتتىك بيۋرولار جانە كرەديتتىك تاريحتى قالىپتاستىرۋ تۋرالى» 2004 جىلعى 6 شىلدەدەگى قازاقستان رەسپۋبليكاسىنىڭ زاڭىنا (بۇدان ءارى – كرەديتتىك بيۋرو تۋرالى زاڭ) سايكەس ازىرلەندى. 2. تالاپتاردا كرەديتتىك بيۋرو تۋرالى زاڭدا قارالعان ۇعىمدار جانە مىناداي ۇعىمدار پايدالانىلادى: 1) اقپاراتتىق جۇيەلەر قاۋىپسىزدىگىنىڭ اكىمشىسى (بۇدان ءارى – اكىمشى) – جۇمىسى مەن وكىلەتتىگى ەسكەرىلە وتىرىپ, دەرەكتەردى ەلەكتروندى تۇردە الۋ جانە (نەمەسە) بەرۋ جۇيەسىنىڭ جۇمىسىن, ولاردى قورعاۋ شارالارىن ىسكە اسىرۋدى, كەلىپ تۇسكەن جانە (نەمەسە) بەرىلەتىن اقپاراتتىڭ گەنەراتسياسىن ونىڭ جۇزەگە اسىراتىن ۇيىمنىڭ قىزمەتكەرى; 2) اقپاراتتىق جۇيەنى قورعاۋ جونىندەگى شارالار كەشەنى – كرەديتتىك تاريحتى قالىپتاستىرۋ جانە پايدالانۋ جۇيەسىنىڭ قاۋىپسىز جۇمىس ىستەۋىن, ونىڭ ىشىندە ەلەكتروندىق قۇرالدار مەن كومپيۋتەرلەردى رۇقساتسىز قول جەتكىزۋدەن باعدارلامالىق-اپپاراتتىق قورعاۋعا باعىتتالعان, ورناتىلعان باعدارلامالىق قامتاماسىز ەتۋ مەن اقپاراتقا قول جەتكىزۋدى باقىلاۋدى قامتاماسىز ەتەتىن, تىركەلگەن پايدالانۋشىلار وكىلەتتىكتەرىنىڭ ارا جىگىن اجىراتىپ بەرەتىن ۇيىمداستىرۋ-تەحنيكالىق ءىس-شارالار; 3) اقپاراتتىق ورتا – كرەديتتىك تاريحتى قالىپتاستىرۋ جانە پايدالانۋ جۇيەسى قاتىسۋشىلارىنىڭ اقپاراتتىق جۇيەسىنىڭ ونىڭ كومپونەنتتەرىمەن جانە اقپاراتتىق رەسۋرستارىمەن بىرگە ءوزارا ءىس-ارەكەت جاساۋ ورتاسى; 4) اقپاراتتىق قاۋىپسىزدىك ساياساتى – شەكتەۋلى تاراتىلاتىن اقپاراتتى باسقارۋدى, قورعاۋدى جانە ءبولۋدى رەتتەيتىن نورمالار جانە پراكتيكالىق تاسىلدەر; 5) بىردەيلەستىرۋ – اقپاراتتىق جۇيەدە بار قول جەتكىزۋدىڭ بەرىلگەن دەرەكتەمەلەرىنىڭ سايكەستىگىن انىقتاۋ جولىمەن قول جەتكىزۋ سۋبەكتىسىنىڭ نەمەسە وبەكتىسىنىڭ تۇپنۇسقالىعىن راستاۋ; 6) جاۋاپتى تۇلعا – كرەديتتىك تاريحتى قابىلداۋ (بەرۋ) جانە قالىپتاستىرۋ پروتسەسىن ىسكە اسىرۋ ءۇشىن جاۋاپ بەرەتىن ۇيىمنىڭ وپەراتورى, باسقارۋشىسى اكىمشىسى جانە وزگە دە قىزمەتكەرلەرى; 7) كرەديتتىك تاريحتى قالىپتاستىرۋ جانە پايدالانۋ جۇيەسى قاتىسۋشىلارىنىڭ اقپاراتتىق جۇيەسى (بۇدان ءارى – اقپاراتتىق جۇيە) – اقپاراتتى جەتكىزۋشىلەردىڭ, كرەديتتىك بيۋرولاردىڭ, كرەديتتىك ەسەپتەردى قابىلداۋشىلار مەن كرەديتتىك تاريح سۋبەكتىلەرىنىڭ اقپاراتتى پروتسەستەردى ىسكە اسىرۋعا ارنالعان اقپاراتتىق تەحنولوگيالارىنىڭ, اقپاراتتىق جەلىلەرىنىڭ جانە ولاردىڭ باعدارلامالىق-تەحنيكالىق قامتاماسىز ەتۋ قۇرالدارىنىڭ جيىنتىعى; 8) كىرۋ شەكتەلگەن ءۇي-جاي – شەكتەلگەن تۇلعالار توبىنىڭ بولۋىنا رۇقسات ەتىلگەن ءۇي-جاي جانە وسى ءۇي-جايعا باسقا تۇلعالاردىڭ كىرۋى ارنايى رۇقسات بەرىلگەن قىزمەتكەرلەردىڭ الىپ جۇرۋىمەن عانا جۇزەگە اسىرىلادى; 9) نەگىزگى اقپارات – كريپتوگرافيالىق كىلت جانە ەلەكتروندى ساندىق قول قويۋ كىلتى; 10) وپەراتور – قورعاۋدىڭ كىشى جۇيەسىن پايدالانا وتىرىپ, حابارلامالاردى دايىنداۋ, وڭدەۋ, قابىلداۋ جانە بەرۋدى تىكەلەي جۇزەگە اسىراتىن ۇيىمنىڭ قىزمەتكەرى; 11) پايدالانۋعا بەرۋ – اقپاراتتىق جۇيەنى دايىنداۋ جونىندەگى ۇيىمداستىرۋ-تەحنيكالىق ءىس-شارالارىن ورىنداۋ پروتسەسى جانە وسى جۇيەنىڭ وندىرىستىك جاعدايلاردا جۇمىس ىستەي باستاۋى; 12) پايدالانۋشى – ەلەكتروندى قۇجات الماسۋعا قاتىساتىن جانە اقپارات بەرۋ جونىندەگى شارتتىڭ جانە (نەمەسە) كرەديتتىك ەسەپتى الۋشى تاراپ بولىپ تابىلاتىن كرەديتتىك بيۋرو جانە كرەديتتىك تاريحتى قالىپتاستىراتىن جانە ونى پايدالانۋعا قاتىساتىن وزگە دە قاتىسۋشىلار (بۇدان ءارى – كرەديتتىك تاريح جۇيەسىنىڭ قاتىسۋشىلارى); 13) رەزەرۆتىك كوشىرمە جاساۋ (مۇراعاتتاۋ) – رەزەرۆتىك كوشىرمە جاساۋ ماسەلەلەرىن رەتتەيتىن نورمالار جانە پراكتيكالىق تاسىلدەر; 14) سايكەستەندىرۋشى – جۇيەنىڭ سۋبەكتىسىنە جانە (نەمەسە) وبەكتىسىنە بەرىلگەن جانە جۇيەگە جانە (نەمەسە) جۇيەنىڭ رەسۋرستارىنا قول جەتكىزۋدى رەگلامەنتتەۋگە ارنالعان بىرەگەي دەربەس كود جانە (نەمەسە) اتاۋ; 15) سايكەستەندىرۋ – جۇيەدە بار سايكەستەندىرۋشىلەر تىزبەسىن سايكەستەندىرۋشىنىڭ جۇيەگە جانە (نەمەسە) جۇيە رەسۋرسىنا قول جەتكىزۋ ءۇشىن ۇسىنىلعان سايكەستىكتى بەرۋ نەمەسە انىقتاۋ; 16) ۋاكىلەتتى ورگان – قارجى نارىعىن جانە قارجى ۇيىمدارىن رەتتەۋدى, باقىلاۋ مەن قاداعالاۋدى ىسكە اسىراتىن ۋاكىلەتتى ورگان; 17) ۇيىم – كرەديتتىك تاريحتى قالىپتاستىرۋ جانە پايدالانۋ جۇيەسىنىڭ تالاپقا سايكەس اقپاراتتىق جۇيەگە قاتىسۋشى (كرەديتتىك تاريح سۋبەكتىلەرىنەن باسقا). 3. اقپاراتتىق جۇيەنى ۇيىمداستىرۋ جانە جۇمىس ىستەۋى: 1) ونىڭ قاتىسۋشىلارىنىڭ كەلىسىلگەن راسىمدەر مەن تەحنولوگيالىق پارامەترلەر شەڭبەرىندەگى قىزمەتىن ۇيلەستىرۋدى جانە باسقارۋدى; 2) پايدالانىلاتىن باعدارلامالىق جانە تەحنيكالىق قۇرالداردى بىرەگەيلەندىرۋدى; 3) اقپاراتتاردى اشىپ كورسەتۋ مۇمكىندىگىن جويۋدى قوسا العانداعى اقپارات قاۋىپسىزدىگىن; 4) تيىمدىلىگى جوعارى تەحنولوگيالاردى ەنگىزۋدى; 5) رەسۋرستاردى يكەمدى جانە ءتيىمدى باسقارۋدى; 6) قىزمەت كورسەتۋ ساپاسىن كوتەرۋدى قامتاماسىز ەتەدى. 4. ۇيىم: 1) دەرەكتەردى ەنگىزۋدى باقىلاۋدى; 2) قۇجاتتاردىڭ پارامەترلەرىن (قۇجاتتاردىڭ نومىرلەرىن, بايلانىس كودىن, شارتتىڭ ءنومىرىن) ەسەپتەۋ مۇمكىندىگىن; 3) جيىنتىق اقپارات تۋدىرۋدى; 4) رەزەرۆتىك كوشىرمەلەرىن جاساۋدى, دەرەكتەردى مۇراعاتتاۋدى; 5) كىرۋ قۇقىعىن باقىلايتىن قورعاۋدىڭ شتاتتى قۇرالدارى بار اقپاراتتىق جۇيەنى پايدالانۋدى; 6) ەلەكتروندى حابارلامالاردى ۇسىنۋدى جانە قابىلداۋدى رەتتەيتىن راسىمدەردىڭ بولۋىن; 7) تالدامالىق جانە ستاتيستيكالىق ەسەپتەردى دايىنداۋ مۇمكىندىگىن قامتاماسىز ەتەدى. 5. اقپاراتتى جەتكىزۋشىلەر جانە كرەديتتىك ەسەپتى الۋشىلار ولارمەن جاسالعان اقپارات بەرۋ جانە (نەمەسە) كرەديتتىك ەسەپتەردى الۋ تۋرالى شارتتاردان جانە كرەديتتىك بيۋرو تۋرالى زاڭدا كوزدەلگەن كرەديتتىك بيۋرونىڭ ىشكى قۇجاتتارىنان تۋىندايتىن كرەديتتىك بيۋرونىڭ ۇيىمداستىرۋ, تەحنولوگيالىق تالاپتارىن جانە تالاپتارىن ورىنداۋدى قامتاماسىز ەتەدى. 6. اقپاراتتى جەتكىزۋشى ۇسىنعان اقپاراتتى كرەديتتىك بيۋرو ونىڭ دۇرىس نەمەسە تولىق ورىندالماۋىنا, اقپاراتتى جەتكىزۋشىنىڭ, كرەديتتىك ەسەپتى الۋشىنىڭ, كرەديتتىك تاريح سۋبەكتىسىنىڭ دەرەكتەرىنىڭ اقپاراتتىق جۇيەدە پايدالانۋ تالاپتارىنا سايكەس كەلمەۋىنە بايلانىستى كرەديتتىك تاريحتى اقپاراتتىق جۇيەدە قالىپتاستىرۋدى جانە پايدالانۋدى اقپاراتتىق جۇيەگە پايدالانباي قايتارادى. 7. كرەديتتىك بيۋرولار اقپاراتتى جەتكىزۋشىلەرگە جانە كرەديتتىك ەسەپتى الۋشىلارعا اقپاراتتىق پروتسەستەردى ىسكە اسىرۋ ءۇشىن قاجەتتى ارنايى باعدارلامالىق قامتاماسىز ەتۋدى بەرەدى نە ولار پايدالانىپ وتىرعان باعدارلامالىق قامتاماسىز ەتۋگە ءتيىستى تالاپتاردى بەلگىلەيدى. اقپاراتتى جەتكىزۋشىلەر جانە كرەديتتىك ەسەپتى الۋشىلار ارنايى باعدارلامالىق قامتاماسىز ەتۋدى دەربەس ازىرلەگەن جاعدايدا ونى كرەديتتىك بيۋرولارمەن كەلىسەدى. 8. اقپاراتتىق جۇيەنى ازىرلەۋ, ەنگىزۋ جانە ىلەسپە قىزمەت كورسەتۋ پروتسەسىنىڭ قۇرامىندا ازىرلەۋ كەزەڭدەرىن انىقتاۋ, وزگەرىستەر ەنگىزۋ, قابىلداۋ, تەستىلەۋ جانە پايدالانۋعا بەرۋ ءتارتىبى, بارلىق كەزەڭدەردى قۇجاتتاندىرۋعا قويىلاتىن تالاپتار قامتىلادى. 9. كرەديتتىك بيۋرولاردىڭ اقپاراتتىق جۇيەنى ازىرلەۋى, ەنگىزۋى جانە وعان ىلەسپە قىزمەت كورسەتۋى ولاردىڭ ىشكى قۇجاتتارىنا جانە قازاقستان رەسپۋبليكاسىنىڭ اۋماعىنداعى قولدانىستاعى ستاندارتتارىنا سايكەس جاسالادى. 10. كرەديتتىك بيۋرولار اقپاراتتىق جۇيەنى ازىرلەۋدى ونىڭ ءبىرىنشى جەتەكشىسى بەكىتكەن تەحنيكالىق تاپسىرما نەگىزىندە ازىرلەيدى. 11. باعدارلامالىق قامتاماسىز ەتۋگە وزگەرىستەر ەنگىزۋ قاجەت بولعان جاعدايدا (جۇيەنىڭ كەمشىلىكتەرىن الىپ تاستاۋ نەمەسە جەتىلدىرۋ ءۇشىن) اقپاراتتىق جۇيەنىڭ باعدارلامالىق قامتاماسىز ەتۋىن جانە (نەمەسە) دەرەكتەرىن رۇقساتسىز وزگەرتۋگە جول بەرمەۋ ماقساتىندا وزگەرىستەر ەنگىزۋ پروتسەسى قازاقستان رەسپۋبليكاسىنىڭ اۋماعىندا قولدانىلىپ جۇرگەن تەحنيكالىق تاپسىرماعا, ستاندارتتارعا جانە كرەديتتىك بيۋرونىڭ اقپاراتتىق قاۋىپسىزدىك ساياساتىنا سايكەس جۇزەگە اسىرىلادى. 12. كرەديتتىك تاريحتىڭ دەرەكتەر بازاسىن جانە اتالعان اقپاراتتىق جۇيەلەردىڭ قورعانىش قۇرالدارىن ورنالاستىرۋ ءۇشىن اقپاراتتىق جۇيەنى قالىپتاستىرۋ جانە پايدالانۋ كەزىندە سەرتيفيكاتتالعان جابدىقتار جانە باعدارلامالىق قامتاماسىز ەتۋ قولدانىلادى. 13. كرەديتتىك بيۋرو اقپاراتتى جەتكىزۋشىلەرمەن جانە كرەديتتىك ەسەپتەردى الۋشىلارمەن دەرەكتەر الماسۋدى بولىنگەن بايلانىس ارنالارى نەمەسە ينتەرنەت-رەسۋرس ارقىلى: 1) سەكۋندىنە 10 مەگابيت كەم ەمەس وتكىزگىشتىك قابىلەتى بار نەگىزگى ارنانىڭ بولۋى; 2) سەكۋندىنە 2 مەگابيت كەم ەمەس وتكىزگىشتىك قابىلەتى بار رەزەرۆتىك سىمسىز ارنانىڭ بولۋى; 3) ءارتۇرلى پروۆايدەرلەر ارنالارىن پايدالانۋ; 4) اقپاراتتى جەتكىزۋشىلەرمەن جانە كرەديتتىك ەسەپتەردى الۋشىلارمەن عانا اقپارات الماسۋ ءۇشىن پايدالانىلاتىن ارنالاردى پايدالانۋ شارتىمەن جۇزەگە اسىرادى. 14. كرەديتتىك تاريحتى قالىپتاستىرۋ جانە ونى پايدالانۋ جۇيەسىنىڭ قاتىسۋشىلارىنا (ميكروقارجى ۇيىمىن جانە كرەديتتىك تاريح سۋبەكتىسىن قوسپاعاندا) قويىلاتىن تالاپتارعا سايكەس كەلۋىن راستاۋ ءۇشىن, اقپاراتتى جەتكىزۋشى نەمەسە كرەديتتىك ەسەپتەردى الۋشى ەركىن نىساندا تولتىرىلعان ءوتىنىشتى ۋاكىلەتتى ورگانعا قاعاز تاسىمالداعىشپەن جىبەرەدى. ۇيىمنىڭ (ميكروقارجى ۇيىمىن قوسپاعاندا) باعدارلامالىق قامتاماسىز ەتۋدى قورعاۋ جونىندەگى ۇيىمداستىرۋ-تەحنيكالىق, تەحنولوگيالىق تالاپتاردى ساقتاۋىن, پايدالانىلاتىن اقپاراتتىق جۇيەلەردىڭ تالاپتاردا جانە قازاقستان رەسپۋبليكاسىنىڭ زاڭناماسىندا بەلگىلەنگەن شارتتار مەن تالاپتارعا سايكەس كەلۋىن ۋاكىلەتتى ورگاننىڭ كوميسسياسى كرەديتتىك تاريحتى قالىپتاستىرۋ جانە ونى پايدالانۋ جۇيەسىنىڭ (ميكروقارجى ۇيىمىن جانە كرەديتتىك تاريح سۋبەكتىسىن قوسپاعاندا) قاتىسۋشىلارىنا تالاپتاردىڭ 1-قوسىمشاسىنا سايكەس نىسان (بۇدان ءارى – سايكەس كەلۋ تۋرالى اكت) بويىنشا قويىلاتىن تالاپتارعا سايكەس كەلەتىندىگى تۋرالى اكت جاساۋ ارقىلى راستايدى. سايكەس كەلۋ تۋرالى اكت كوميسسيانىڭ بارلىق مۇشەلەرىمەن كەلىسىلەدى, ودان كەيىن تەكسەرىلەتىن ۇيىمنىڭ وكىلىنە قول قويۋ ءۇشىن جىبەرىلەدى. ەگەر كوميسسيانىڭ ءبىر مۇشەسى قابىلدانعان شەشىممەن كەلىسپەسە جانە سايكەس كەلۋ تۋرالى اكتىسىنە قول قويماسا, وندا ول كوميسسياعا ءوزىنىڭ باس تارتۋ سەبەبىن جازباشا نىساندا ۇسىنادى جانە ونى سايكەس كەلۋ تۋرالى اكتىگە قوسا بەرەدى. سايكەس كەلۋ تۋرالى اكت ۋاكىلەتتى ورگاننىڭ كوميسسيا مۇشەلەرىنىڭ ۇشتەن ەكىسىنىڭ كەلىسىم تۋرالى قولدارى بولعان كەزدە جاسالعان بولىپ سانالادى. ميكروقارجى ۇيىمىنىڭ باعدارلامالىق قامتاماسىز ەتۋدى قورعاۋ جونىندەگى ۇيىمداستىرۋ-تەحنيكالىق, تەحنولوگيالىق تالاپتاردى ساقتاۋىن, پايدالانىلاتىن اقپاراتتىق جۇيەلەردىڭ تالاپتاردا جانە قازاقستان رەسپۋبليكاسىنىڭ زاڭناماسىندا بەلگىلەنگەن شارتتار مەن تالاپتارعا سايكەس كەلۋىن ۋاكىلەتتى ورگان تالاپتاردىڭ 2-قوسىمشاسىنا سايكەس نىسان (بۇدان ءارى - ۋاكىلەتتى ورگاننىڭ قورىتىندىسى) بويىنشا ميكروقارجى ۇيىمدارىنا قويىلاتىن تالاپتارعا سايكەس كەلۋى تۋرالى قورىتىندىنى ۇسىنۋ ارقىلى راستايدى. 15. اقپاراتتى جەتكىزۋشىلەر (ميكروقارجى ۇيىمدارىن قوسپاعاندا), كرەديتتىك ەسەپتەردى الۋشىلار جانە كرەديتتىك بيۋرولار اراسىنداعى اقپارات الماسۋ وڭ قورىتىندىعا سايكەستىك تۋرالى اكت بولعان كەزدە جۇزەگە اسىرىلادى. ميكروقارجى ۇيىمدارى, كرەديتتىك ەسەپتەردى الۋشىلار جانە كرەديتتىك بيۋرولار اراسىنداعى اقپارات الماسۋ ۋاكىلەتتى ورگاننىڭ وڭ قورىتىندىسى بولعان كەزدە جۇزەگە اسىرىلادى. 16. كىرىس جانە شىعىس ترافيگى كريپتوگرافيالىق قورعانىشپەن قامتاماسىز ەتىلەدى. 17. ىشكى راسىمدەر: سالىستىرىپ تەكسەرۋ تالاپتارىن, ءتارتىبىن جانە مەرزىمدەرىن; سالىستىرىپ تەكسەرۋگە جاتاتىن اقپاراتتىڭ پارامەترلەرىن; سالىستىرىپ تەكسەرۋگە بايلانىستى اقپاراتتىق پروتسەستەردى ىسكە اسىرۋ ءۇشىن قاجەتتى باعدارلامالىق قامتاماسىز ەتۋگە قويىلاتىن تالاپتاردى; سالىستىرىپ تەكسەرۋگە جاتاتىن اقپاراتتى قورعاۋدى قامتاماسىز ەتۋ ءتارتىبىن; مەملەكەتتىڭ قاتىسۋى بار كرەديتتىك بيۋروعا سالىستىرىپ تەكسەرۋ جۇرگىزۋگە بايلانىستى كەلتىرىلگەن ناقتى شىعىستاردى وتەۋ ءتارتىبىن ايقىندايدى. 18. كرەديتتىك بيۋرو كرەديتتىك بيۋرونىڭ كرەديتتىك تاريحىنىڭ دەرەكقورىندا ساقتالاتىن اقپاراتتىڭ دايەكتىلىگىن قامتاماسىز ەتۋ ءۇشىن جىلىنا كەمىندە ءبىر رەت ونى مەملەكەتتىڭ قاتىسۋى بار كرەديتتىك بيۋرونىڭ ىشكى راسىمدەرىمەن بەلگىلەنگەن تالاپتارمەن, تارتىپپەن جانە مەرزىمدەردە مەملەكەتتىك قاتىسۋى بار كرەديتتىك بيۋرونىڭ اقپاراتىمەن سالىستىرىپ تەكسەرەدى. كرەديتتىك بيۋرونىڭ كرەديتتىك تاريحىنىڭ دەرەكقورىندا ساقتالاتىن اقپاراتتى سالىستىرىپ تەكسەرۋ ەسەپتى جىلدىڭ سوڭعى ايدىڭ جيىرماسىنشى جۇمىس كۇنىنەن كەشىكتىرمەي جۇرگىزىلەدى. سالىستىرىپ تەكسەرۋگە جاتاتىن اقپارات كولەمىن كرەديتتىك بيۋرو دەربەس تۇردە, سالىستىرىپ تەكسەرۋگە جاتاتىن اقپارات پارامەترلەرىنىڭ مەملەكەتتىڭ قاتىسۋى بار كرەديتتىك بيۋرونىڭ ىشكى راسىمدەرىندە بەلگىلەنگەن اقپارات پارامەترلەرىنە سايكەس كەلۋى شارتىمەن انىقتايدى. 19. مەملەكەتتىڭ قاتىسۋى بار كرەديتتىك بيۋرو وزگە دە كرەديتتىك بيۋرولاردان قابىلدانعان اقپاراتتى ىشكى راسىمدەردە بەلگىلەنگەن مەرزىمدە مەملەكەتتىڭ قاتىسۋى بار كرەديتتىك بيۋرونىڭ كرەديتتىك تاريحىنىڭ دەرەكتەر بازاسىندا بار اقپاراتپەن سالىستىرىپ تەكسەرەدى. 20. مەملەكەتتىڭ قاتىسۋى بار كرەديتتىك بيۋرونىڭ جانە وزگە دە كرەديتتىك بيۋرونىڭ ۋاكىلەتتى وكىلدەرى ولاردىڭ كرەديتتىك تاريحتارىنىڭ دەرەكقورىندا بار, سالىستىرىپ تەكسەرۋگە جاتاتىن اقپاراتتىڭ سايكەس كەلۋىن نەمەسە سايكەسسىزدىگىن سالىستىرىپ تەكسەرۋ اكتىسىن نەمەسە سايكەسسىزدىك اكتىسىن ەركىن نىساندا جاساۋ ارقىلى راستايدى. مەملەكەتتىڭ قاتىسۋى بار كرەديتتىك بيۋرو سايكەس كەلمەۋ اكتىسىن جاساعان كەزدە سايكەس كەلمەۋ اكتىسىن جاساعان كۇننەن باستاپ ەكى جۇمىس كۇن ىشىندە ونىڭ كوشىرمەسىن ۋاكىلەتتى ورگانعا ۇسىنادى. 21. سالىستىرىپ تەكسەرۋ اكتىسى نەمەسە سايكەس كەلمەۋ اكتىسى ءار تاراپ ءۇشىن ءبىر دانادان ەكى دانادا جاسالادى, سالىستىرىپ تەكسەرۋدى جۇزەگە اسىراتىن تاراپتارىنىڭ ۋاكىلەتتى وكىلدەرى وعان قول قويادى جانە ولاردىڭ مورلەرىمەن راستالادى. 22. سالىستىرىپ تەكسەرۋ اكتىلەرى كەزەكتى سالىستىرىپ تەكسەرۋ جۇرگىزىلگەنگە دەيىن ساقتالادى. سايكەس كەلمەۋ اكتىلەرى ولار جاسالعان كۇننەن باستاپ بەس جىل بويى ساقتالادى. 23. كرەديتتىك بيۋرو جانە مەملەكەتتىك قاتىسۋى بار كرەديتتىك بيۋرو سايكەس كەلمەۋ اكتىسىن جاساعان كۇننەن باستاپ ون جۇمىس كۇن ىشىندە انىقتالعان سايكەسسىزدىكتەردى جويۋ جونىندەگى شارالاردى قابىلدايدى. مەملەكەتتىك قاتىسۋى بار كرەديتتىك بيۋرو انىقتالعان سايكەسسىزدىكتەردى جويۋ جونىندە قابىلدانعان شارالاردىڭ ناتيجەلەرى تۋرالى ۋاكىلەتتى ورگانعا ءۇش جۇمىس كۇن ىشىندە حابارلايدى. 24. كرەديتتىك بيۋرو تۇرعىن ۇيگە جاتپايتىن ۇيدە, كىرۋ شەكتەلگەن ءۇي-جايدا ورنالاسادى. 25. كرەديتتىك بيۋرونىڭ قاۋىپسىزدىك جۇيەسى تالاپتاردا: 1) سەرۆەرلىك ءۇي-جايعا جانە كىرۋ شەكتەلگەن ءۇي-جايعا; 2) كرەديتتىك بيۋرونىڭ قىزمەتىن اۆتوماتتاندىرۋ ءۇشىن پايدالانىلاتىن جۇيەلىك باعدارلامالىق قامتاماسىز ەتۋگە; 3) كرەديتتىك بيۋرونىڭ قىزمەتىن اۆتوماتتاندىرۋ ءۇشىن پايدالانىلاتىن ارنايى باعدارلامالىق قامتاماسىز ەتۋگە (اقپاراتتىق جۇيەگە); 4) كرەديتتىك بيۋرونىڭ تەحنيكالىق قۇرالدارىنا (اقپاراتتىق رەسۋرستارىنا); 5) اقپارات قاۋىپسىزدىگىن قامتاماسىز ەتۋگە بەلگىلەنگەن تالاپتارعا سايكەس كەلۋى ءتيىس. 26. كرەديتتىك بيۋرونىڭ جابدىقتالعان سەرۆەرلىك ءۇي-جايى: 1) كىرۋدى باقىلاۋ جۇيەسىن (جەكە ەلەكتروندى رۇقساتناما); 2) سەرۆەرلىك ءۇي-جايىنا جانە كروسس بولمەلەرىنە كىرۋدى بەينەباقىلاۋ جۇيەسىن; 3) مىندەتتى تۇردە گازبەن تولتىرىلعان تولىق رەزەرۆتىك باللونى بار جانە كەپىلدىك بەرىلگەن قۋات بەرۋ جۇيەسىنە قوسىلعان اۆتوماتتى ءورت ءسوندىرۋ جۇيەسىن; 4) ەسىك, تەرەزەلەردىڭ كۇزەت سيگناليزاتسياسى جۇيەسىن جانە گەرمەتيكالىق ايماقتىڭ ىشىندەگى داتچيكتەردى; 5) سەرۆەرلىك بولمەنىڭ گەرموايماعىندا تۇرعان ۇزدىكسىز تازا قۋات بەرۋ جۇيەسىن; 6) تاۋلىك بويعى جۇمىس ىستەيتىن كەزەكشى جارىقتى قوسا العاندا, سەرۆەرلىك جانە كروسس بولمەلەرىنىڭ بارلىق ەلەكتر جەلىسىنىڭ كەپىلدىك بەرىلگەن قۋات بەرۋ جۇيەسىن; 7) تولىق رەزەرۆى بەر كونديتسيونيرلەۋ جۇيەسىن قامتيدى. 27. سەرۆەرلىك ءۇي-جاي كەيىننەن كەڭىستىكتى كەڭەيتۋ مۇمكىندىگى بار جانە ولشەمى ءىرى اپپاراتۋرالاردى ورنالاستىرۋ مۇمكىندىگى بار جەرلەرگە ورنالاسادى جانە مىناداي تالاپتارعا سايكەس كەلۋى ءتيىس: 1) cەرۆەرلىك بولمەنىڭ ەڭ تومەنگى قولجەتىمدى مولشەرى – 20 شارشى مەتر; 2) cەرۆەرلىك بولمە مولشەرى 1,5 كوندۋيتپەن ءۇيدىڭ جەرگە قوسىلۋ جۇيەسىنىڭ باس ەلەكترودىمەن قوسىلۋعا ءتيىس; 3) cەرۆەرلىك بولمەنىڭ تالاپ ەتىلەتىن ەڭ تومەنگى بيىكتىگى 2,44 مەتر بولۋعا ءتيىس. 28. كرەديتتىك بيۋرونىڭ كىرۋ شەكتەلگەن ءۇي-جايى مىناداي تالاپتارعا سايكەس كەلۋگە ءتيىس: 1) جاۋاپتى تۇلعانىڭ جۇمىس ورنىنا جىبەرىلمەيتىن تۇلعالاردىڭ وسى ءۇي-جايعا قاداعالانباي كىرىپ كەتۋ مۇمكىندىگىن بولدىرمايتىن كىرۋدى باقىلاۋ جۇيەسىنىڭ (جەكە ەلەكتروندى رۇقساتناما) بولۋى; 2) كىرۋدى بەينەباقىلاۋ جۇيەسىنىڭ بولۋى (تۇراقتى جازىپ وتىراتىن بەينەكامەرا); 3) ءورت سيگناليزاتسياسى جۇيەسىنىڭ بولۋى; 4) كۇزەت سيگناليزاتسياسى جۇيەسىنىڭ بولۋى; 5) ءۇي-جايدا كرەديتتىك بيۋرونىڭ قىزمەتىنە قاتىسى جوق جۇمىس ورىندارىن يەلەنۋگە تىيىم سالىنادى; 6) كىرۋ شەكتەلگەن ءۇي-جاي ءۇيدىڭ ءبىرىنشى نەمەسە سوڭعى قاباتتارىندا ورنالاسقان جاعدايدا, سونداي-اق بالكونداردىڭ تەرەزەلەرىنىڭ جانىندا ءورت باسپالداقتارى بار بولسا, ءۇي-جايدىڭ تەرەزەلەرى مەتالل توركوزدەرمەن جابدىقتالادى; 7) كىرۋ شەكتەلگەن ءۇي-جايدا جاۋاپتى تۇلعالاردىڭ جۇمىس ورىندارى ورنالاسادى. 29. اقپاراتتى جەتكىزۋشىلەر (ميكروقارجى ۇيىمىن قوسپاعاندا) مەن كرەديتتىك ەسەپتەردى الۋشىلاردىڭ كىرۋ شەكتەلگەن ءۇي-جايلارىنا تالاپتاردىڭ 28-تارماعىنىڭ 1), 3), 4), 5) جانە 6) تارماقشالارىندا بەلگىلەنگەن تالاپتار قويىلادى, سونداي-اق ءۇي-جايعا كىرۋ ءاربىر كەلۋى كەلۋ جۋرنالىندا تىركەلەتىن جاۋاپتى تۇلعالاردىڭ اتى, تەگى, اكەسىنىڭ اتى (بار بولعان كەزدە), لاۋازىمى, كۇنى, ۋاقىتى جانە كەلۋ ماقساتى كورسەتىلە وتىرىپ ولاردىڭ تىزىمىمەن شەكتەلەدى. ميكروقارجى ۇيىمىنىڭ كىرۋ شەكتەلگەن ءۇي-جايلارىنا تالاپتاردىڭ 28-تارماعىنىڭ 1), 3), 4) جانە 5) تارماقشالارىندا بەلگىلەنگەن تالاپتار قويىلادى, سونداي-اق ءۇي-جايعا كىرۋ ءاربىر كەلۋى جۋرنالىندا تىركەلەتىن جاۋاپتى تۇلعالاردىڭ اتى, تەگى, اكەسىنىڭ اتى (بار بولعان كەزدە), لاۋازىمى, كۇنى, ۋاقىتى جانە كەلۋ ماقساتى كورسەتىلە وتىرىپ ولاردىڭ تىزىمىمەن شەكتەلەدى. ميكروقارجى ۇيىمى ورنالاسقان ۇيدە جالپى كۇزەت سيگناليزاتسياسىنىڭ جۇيەسى بولعان كەزدە ميكروقارجى ۇيىمىنىڭ كىرۋ شەكتەلگەن ءۇي-جايىنا جەكە كۇزەت سيگناليزاتسياسى تالاپ ەتىلمەيدى. 30. جاۋاپتى تۇلعانىڭ جۇمىس ورنى مىناداي تالاپتارعا سايكەس كەلۋى ءتيىس: 1) باعدارلامالىق قامتاماسىز ەتۋ ورنالاسقان جەرى, كونفيگۋراتسياسى, سونداي-اق وعان ورناتىلعان اپپاراتتىق جانە باعدارلامالىق قۇرالدار كورسەتىلگەن پاسپورتى بار ارنايى بولىنگەن دەربەس كومپيۋتەرگە ورناتىلادى. پاسپورت ۇيىم باسشىسىنىڭ قولىمەن رەسىمدەلەدى جانە جاۋاپتى تۇلعادا ساقتالادى; 2) جاۋاپتى تۇلعانىڭ دەربەس كومپيۋتەرىن پايدالانۋعا جانە دايىنداۋ, وڭدەۋ, جىبەرۋ ماقساتتارىمەن بايلانىستى ەمەس نەمەسە اقپاراتتىق جۇيەگە قاتىسۋ اياسىنداعى ەلەكتروندىق قۇجاتتاردى جۇرگىزۋ جۇيەسىندە باعدارلامالىق قۇرال-جابدىقتاردى ورناتۋعا جول بەرىلمەيدى; 3) جاۋاپتى تۇلعانىڭ دەربەس كومپيۋتەرىندە تومەندەگىلەر قامتىلاتىن قورعانىش كەشەنى بولۋعا ءتيىس: پايدالانۋشىنىڭ سايكەستەندىرۋ جانە بىردەيلەندىرۋ قۇرالدارى; كومپيۋتەرگە كىرۋگە جانە پايدالانۋشىلاردىڭ ءىس-قيمىلدارىنا بايلانىستى قىزمەتتى باقىلاۋ ماقساتىندا ەلەكتروندى قۇجاتتاردى ساقتاۋ مەرزىمى ىشىندە ەلەكتروندى جۋرنالداردى جۇرگىزۋ مۇمكىندىگى; 4) پايدالانۋشىنىڭ (جاۋاپتى تۇلعانىڭ) پايدالانۋشى سايكەستەندىرەتىن ءبىر جۇيەلىك اتىنىڭ بولۋى, اقپاراتتىق جۇيەگە كىرۋ كەزىندە ءبىر جەكە تۇلعا سايكەس كەلۋگە ءتيىس; 5) دەربەس كومپيۋتەردە باعدارلامالىق قامتاماسىز ەتۋدىڭ بۇتىندىگى مەن قۇپيالىلىعىن قامتاماسىز ەتەتىن قۇرالدار بولۋعا ءتيىس; 6) جەلىلىك رەسۋرستار مەن سىرتقى تاسىمالداعىشتارعا, سونداي-اق وپەراتوردىڭ دەربەس كومپيۋتەرىنە اقپاراتتى ەنگىزۋ-شىعارۋ پورتتارىنا كىرۋ, ونىڭ ىشىندە ەنگىزۋ-شىعارۋدىڭ بازالىق جۇيەسىن تەڭشەۋ كەزىندە دە اجىراتىلۋى ءتيىس; 7) دەربەس كومپيۋتەردىڭ جۇيەلىك بلوگىن, اقپاراتتى ەنگىزۋ-شىعارۋ پورتتارىن اكىمشى ءمور سوعادى نە پلومبالايدى. ءمور سوعۋ (پلومبالاۋ) پروتسەسى تەگىن, اتىن, اكەسىنىڭ اتىن (بار بولعان كەزدە), قىزمەتىن, كەلۋ كۇنىن, ۋاقىتىن جانە پلومبالاۋ ء(مور سوعۋ) ماقساتىن كورسەتە وتىرىپ, ارنايى جۋرنالىندا تىركەلەدى. نوۋتبۋكتەر ءۇشىن پورتتارعا ءمور سوقپاي, ەنگىزۋ-شىعارۋ بازالىق جۇيەسىندەگى قوندىرعىلاردى اجىراتۋدى پايدالانۋعا عانا رۇقسات بەرىلەدى. ۇيدەن اقپاراتتىق قاۋىپسىزدىك قىزمەتى باسشىسىنىڭ جاۋاپتى قىزمەتكەرىنىڭ وتىنىمدەرى نەگىزىندە جاسالاتىن پروفيلاكتيكالىق جانە جوندەۋ جۇمىستارىن جۇرگىزۋدەن باسقا جاعدايلاردا كومپيۋتەرلەر مەن نوۋتبۋكتەردى الىپ شىعۋعا تىيىم سالىنادى; 8) قورعانىش جۇيەسىن پايدالانا وتىرىپ, اقپاراتتىق ورتاعا بەرىلەتىن اقپاراتتى جيناقتاۋ ءۇشىن بولىنگەن وزگە رەسۋرستارعا (ديسكىلىك كەڭىستىك, ديرەكتوريا, دەرەكقور جانە دەرەكقوردىڭ رەزەرۆتىك كوشىرمەلەرى) كىرۋ ءتارتىبى, اقپاراتتىق ورتادان اقپارات الۋ, اقپاراتتى ساقتاۋ, مۇراعاتتاۋ جانە باسقا دا وڭدەۋ وسى رەسۋرستارعا رۇقسات ەتىلمەگەن كىرۋ مۇمكىندىگىن بولدىرماۋى ءتيىس; 9) جاۋاپتى تۇلعانىڭ جۇمىس ورنىنا جانە كىرۋ شەكتەلگەن ءۇي-جايىنا كىرۋ ونىڭ لاۋازىمدىق مىندەتتەرىنە سايكەس جۇزەگە اسىرىلادى. 31. اقپاراتتى جەتكىزۋشىلەردىڭ وپەراتورى مەن كرەديتتىك ەسەپتەردى الۋشىلاردىڭ جۇمىس ورنى كىرۋ شەكتەلگەن ءۇي-جايدا بولۋى ءتيىس جانە وسى تالاپتاردىڭ 28-تارماعىمەن بەلگىلەنگەن تالاپتارعا سايكەس كەلۋگە ءتيىس. 32. كرەديتتىك بيۋرونىڭ جۇيەلى باعدارلامالىق قامتاماسىز ەتۋلەردى (وپەراتسيالىق جۇيەلەر, دەرەكقورلاردى باسقارۋ جۇيەسى, وفيستىك باعدارلامالار, ۆيرۋسقا قارسى باعدارلامالار) پايدالانۋى ليتسەنزيامەن, سەرتيفيكاتتارمەن راستالۋى ءتيىس. 33. كرەديتتىك تاريح بويىنشا دەرەكتەردى جيناقتاۋ جانە ساقتاۋ ءۇشىن دەرەكقوردى باسقارۋدىڭ ونەركاسىپتىك جۇيەسى پايدالانىلادى, ازىرلەۋشىنىڭ رەسمي وكىلدىگى جانە قازاقستان رەسپۋبليكاسىنىڭ اۋماعىندا تەحنيكالىق قولداۋ كورسەتۋ ورتالىعى بار. 34. باعدارلامالىق قامتاماسىز ەتۋدى ەنگىزۋدى جانە پايدالانۋعا بەرۋدى (دايىن ءونىمدى ازىرلەۋ نەمەسە بەيىمدەۋ) كرەديتتىك بيۋرو ونىڭ ءبىرىنشى باسشىسى بەكىتكەن تەحنيكالىق تاپسىرماسى نەگىزىندە ورىندايدى, بۇل رەتتە قاۋىپسىزدىك تەتىكتەرىنە ارنالعان ءتيىستى سەرتيفيكاتتار بولۋى قاجەت. كرەديتتىك بيۋرونىڭ باعدارلامالىق قامتاماسىز ەتۋىن ازىرلەۋشىلەردىڭ بارابار جۇيەلەردى ازىرلەۋ بويىنشا ەكى جىلدان كەم ەمەس تاجىريبەسى بولۋعا ءتيىس. 35. كرەديتتىك بيۋرونىڭ باعدارلامالىق قامتاماسىز ەتۋىندە اقپاراتتى قابىلداۋدىڭ (جەتكىزۋدىڭ) مىناداي ەكى جانە ودان كوپ ءتاسىلى كوزدەلەدى: قولجەتىمدى فورماتتارداعى ەسەپتەردىڭ باعدارلامالىق قامتاماسىز ەتۋىن پايدالانا وتىرىپ ستاندارتتى فورماتتاعى فايل دايىندالاتىن ينتەراكتيۆتى ينتەرفەيس; ناقتى ۋاقىت رەجيمىندە بەرۋدىڭ ستاندارتتى فورماتپەن پايدالانىلاتىن جەلىلىك كىرۋ, دەرەكتەردى قولمەن ەنگىزۋ فۋنكتسياسىنىڭ كومەگى ارقىلى ەنگىزۋ, ۆەب-براۋزەردى پايدالانۋ ارقىلى سايتتاردا ەكراندىق نىسانداردى تولتىرۋ. 36. اقپاراتتىق قاۋىپسىزدىك ماقساتىندا كرەديتتىك بيۋرونىڭ باعدارلامالىق قامتاماسىز ەتۋى مىنالاردى قامتاماسىز ەتەدى: 1) كريپتوگرافيالىق قايتا قۇرۋ ارقىلى بىرەگەيلەندىرۋدى جانە بىردەيلەستىرۋدى; 2) پايدالانۋشىلاردىڭ قۇقىقتارىن شەكتەۋدى; 3) باعدارلامالىق قامتاماسىز ەتۋ يادروسى دەڭگەيىندەگى جۇمىستى جۇيە اياسىنداعى ءمانى بار ءىس-ارەكەتتىڭ (پايدالانۋشىنىڭ نەمەسە پروتسەستەگى ءىس-ارەكەتى) ەشقايسىسىنىڭ قاۋىپسىزدىك تەتىگىنىڭ قاتىسۋىنسىز وتپەۋىن; 4) باعدارلامالىق قامتاماسىز ەتۋدە ىسكە اسىرىلعان قاۋىپسىزدىك سحەماسى باعدارلامالىق قامتاماسىز ەتۋ ىسكە اسىرىلاتىن وپەراتسيالىق جۇيەنىڭ ءوزىنىڭ قاۋىپسىزدىك قۇرالدارىنان ءبولىنۋىن, سونىمەن قاتار, وپەراتسيالىق جۇيەنىڭ قاۋىپسىزدىك قۇرالدارىنىڭ وسالدىعى باعدارلامالىق قامتاماسىز ەتۋدىڭ قاۋىپسىزدىك جۇمىسىنا اسەر ەتپەۋىن; 5) باعدارلامالىق قامتاماسىز ەتۋدەگى دەرەكتەردىڭ تۇيىقتالىپ ساقتالۋىن: كورسەتىلگەن دەرەكتەرگە باعدارلامالىق قامتاماسىز ەتۋدىڭ قوسىمشالارىنىڭ جۇمىس اياسىنان تىس قيسىندى كىرۋدىڭ مۇمكىن بولماۋىن; دەرەكتەردىڭ باعدارلامالىق قامتاماسىز ەتۋدىڭ دەرەكقورىنا (دەرەكقورىنان) كەز-كەلگەن اۋىستىرۋدىڭ قاۋىپسىزدىك تەتىكتەرىنىڭ باقىلاۋدى قامتاماسىز ەتەتىن تاسىلمەن ۇيىمداستىرىلۋىن; 6) فاكتىنى, جويۋ, وزگەرتۋ پروتسەسىندەگى وبەكتى مەن جانە سۋبەكتىنى سايكەستەندىرۋ ءۇشىن قاجەتتى اقپاراتتى بەلگىلەۋدى جانە جويىلعان دەرەكتەردى قالپىنا كەلتىرۋ مۇمكىندىگىن; 7) ىركىلىستەر پايدا بولعان كەزدە تۇراقتى جۇمىس ىستەۋ مۇمكىندىگىن; 8) پايدالانۋشىنىڭ جۇمىس ورنى ىستەن شىققان نەمەسە وعان قاساقانا رۇقسات ەتىلمەي كىرۋدىڭ جۇيەنىڭ سەرۆەرلىك بولىگىنىڭ جۇمىسىنا اسەر ەتپەۋى, ال سەرۆەر قوسىمشالارىنىڭ ىركىلىسى جۇيە دەرەكتەرىنىڭ جاي-كۇيىنە اسەر ەتپەۋى ءۇشىن ءۇش دەڭگەيلى «كليەنت-سەرۆەر» ارحيتەكتۋراسىن; 9) تىركەۋ جۋرنالىندا تىركەي وتىرىپ, سونداي-اق كەز-كەلگەن سۋبەكت تاراپىنان قورعانىش مۇمكىندىگىمەن جۇيەلىك-ماڭىزدى وقيعالاردىڭ ءاۋديتىن; 10) پايدالانۋشىلار مەن باسقارۋشىلاردىڭ بايلانىس ورناتۋ ارەكەتىنەن باستاپ ءساتتى, سونداي-اق ءساتسىز ءىس-قيمىلدارىنىڭ ءاۋديتىن; 11) ەكسپورتتالاتىن جانە يمپورتتالاتىن دەرەكتەردى باقىلاۋدى; 12) قاۋىپسىزدىك مودۋلدەرى مەن مەحانيزمدەرىن ازىرلەۋ (پىسىقتاۋ) مۇمكىندىگىن; 13) اقپاراتتىق جۇيەنىڭ ازىرلەۋشىسىمەن جاسالعان شارتتا مىناداي مىندەتتەردىڭ كوزدەلۋىن: كرەديتتىك بيۋرونى جۇيەدە انىقتالعان قاتەلەر مەن جۇيەنىڭ وسال تۇستارى, سونداي-اق جۇيەدەگى وزگەرىستەر مەن جاڭارتۋلاردى ۋاقتىلى بەرۋ تۋرالى جۇيەلى تۇردە حاباردار ەتۋ; شۇعىل قولداۋ كورسەتۋ قىزمەتىن ۇيىمداستىرۋ, ونىڭ ىشىندە كرەديتتىك بيۋرو قىزمەتكەرلەرىنە كەڭەستەر بەرۋ جانە ولارعا اقپاراتتىق قاۋىپسىزدىك ماسەلەلەرى بويىنشا پراكتيكالىق كومەك كورسەتۋگە ارنالعان قاۋىپسىزدىك ماسەلەلەرى بويىنشا. 37. كرەديتتىك بيۋرونىڭ باعدارلامالىق قامتاماسىز ەتۋىندە كرەديتتىك بيۋرو تۋرالى زاڭدا بەلگىلەنگەن مەرزىم ىشىندە كرەديتتىك تاريح سۋبەكتىسىنە قاتىستى اقپاراتتىڭ ساقتالۋى, سونداي-اق كرەديتتىك تاريحتى قالىپتاستىرعاننان باستاپ كەز كەلگەن ۋاقىتتاعى جاعداي بويىنشا كرەديتتىك ەسەپتەردىڭ ءبىر جۇمىس كۇنى ىشىندە قالىپتاستىرۋ مۇمكىندىگى كوزدەلەدى. 38. كرەديتتىك بيۋرونىڭ تەحنيكالىق قۇرالدارىنا قويىلاتىن تالاپتار: 1) مەنشىكتى اپپاراتتىق قامتاماسىز ەتۋدىڭ (كومپيۋتەرلىك جابدىق, سەرۆەرلەر, قورعانىشتىڭ اپپاراتتىق قۇرالدارى, قۇراۋىش جانە وزگە جابدىق) جانە اپپاراتتىق قامتاماسىز ەتۋدىڭ كرەديتتىك بيۋروعا تيەسىلىگىن راستايتىن قۇجاتتاردىڭ بولۋى; 2) سايكەس كەلۋدى راستاۋشى ورگان بەرگەن, اپپاراتتىق قامتاماسىز ەتۋدىڭ قاۋىپسىزدىك تالاپتارىنا سايكەس كەلۋ سەرتيفيكاتتارىنىڭ بولۋى; 3) ەكى ۇزدىكسىز قۋات بەرۋ كوزدەرىنەن (بۇدان ءارى – ۇقك) بەرىلەتىن سيگنال ارقىلى جۇمىس ىستەيتىن جانە بۇكىل ۇيىم بويىنشا تازا قۋات جەلىسىندە ەلەكتردى ۇزدىكسىز ۇستاپ تۇراتىن رەزەرۆتى, ديزەلدىك گەنەراتسيالاۋ قۇرىلعىسىن اۆتوماتتى تۇردە قوساتىن كەپىلدىك بەرىلگەن قۋات جۇيەسى – قالقانىنىڭ بولۋى. بۇل رەتتە ءاربىر ۇقك جۇكتەمەسى شتاتتىق رەجىمدە قىرىق پايىزدان اسپايدى. 39. كرەديتتىك بيۋرونىڭ سەرۆەرلەرى ءۇزىلىسسىز ورنىقتى جۇمىس ىستەيتىن اياقتالعان جۇيەنى قۇرايدى جانە اپپاراتتىق بولىكتى ءبىر ءجۇز پايىز قايتالايتىن كلاستەردى بىلدىرەدى. كرەديتتىك بيۋرونىڭ دەرەكقورىنىڭ رەزەرۆتىك سەرۆەرلەرى نەگىزگى سەرۆەردەن كەمىندە ون كيلومەتر قاشىقتىقتا ورنالاسادى جانە كرەديتتىك بيۋرونىڭ دەرەكقوردىڭ ءۇزىلىسسىز جۇمىس ىستەۋىن دەرەكقوردىڭ نەگىزگى سەرۆەرلەرىنىڭ جۇمىسى توقتاعان جاعدايدا, كرەديتتىك بيۋرو نەگىزگى سەرۆەردىڭ جۇمىسىن توقتاتقان ساتتەن باستاپ 6 (التى) ساعاتتان اسپايتىن مەرزىمدە رەزەرۆتىك سەرۆەرلەردەگى دەرەكتەر بازاسىنىڭ جۇمىسىن قالپىنا كەلتىرۋدى قامتاماسىز ەتەتىندەي قامتاماسىز ەتەدى. 40. اقپارات قاۋىپسىزدىگىن قامتاماسىز ەتەتىن ۇيىمعا (ميكروقارجى ۇيىمىن قوسپاعاندا) قويىلاتىن تالاپتار: 1) اپپاراتتىق شەكتەس مارشرۋتيزاتورلاردىڭ كومەگىمەن ترافيكتى شيفرلاۋ ارقىلى دەرەكتەر بەرۋدىڭ قورعالعان ارناسىنىڭ بولۋى; 2) ينتەرنەت جەلىسىنەن ۇيىمنىڭ كومپيۋتەر جەلىسىنە جاسالاتىن شابۋىلداردى جەلىارالىق ەكراننىڭ كومەگىمەن انىقتاۋ (بولدىرماۋ) جۇيەلەرىنىڭ بولۋى; 3) پايدالانۋشىنىڭ كريپتوكىلتى مەن سايكەستەندىرۋ جۇيەسىنىڭ كومەگىمەن كومپيۋتەرلەردى كريپتوگرافيالىق قورعاۋ جۇيەسىنىڭ بولۋى; 4) پايدالانۋشىلاردىڭ جەلىلىك كارتالارىنىڭ تاسىمالداعىشتارىنا كىرۋدى باسقارۋ سايكەستەندىرۋشى بويىنشا ترافيكتى اپپاراتتىق جەلىلىك تالداۋشىنىڭ بولۋى; 5) رەزەرۆتىك كوشىرمە جاساۋ – اقپاراتتىڭ سىرتقا تاسىمالداعىشتارىنا ارنالعان كىتاپحاناسى جۇيەسىنىڭ بولۋى. جوعارىدا كورسەتىلگەن تالاپتاردى ىسكە اسىرۋ ءۇشىن كرەديتتىك بيۋرو اقپارات قاۋىپسىزدىگىن قامتاماسىز ەتۋ ءۇشىن تاۋەكەلدەردى, وسالدىقتار مەن قاۋىپ-قاتەرلەردى تالدايدى جانە باعالايدى. ميكروقارجى ۇيىمىنا وسى تارماقتىڭ 2) جانە 5) تارماقشالارىندا كوزدەلگەن اقپارات قاۋىپسىزدىگىن قامتاماسىز ەتۋ بويىنشا تالاپتار قولدانىلادى. 41. ۇيىم (ميكروقارجى ۇيىمىن قوسپاعاندا) ءوز قىزمەتى بارىسىندا مىناداي تالاپتاردى ورىندايدى: 1) اقپارات قاۋىپسىزدىگى قىزمەتىنىڭ بولۋى; 2) كرەديتتىك تاريحتار بويىنشا جاۋاپتى تۇلعالاردىڭ بولۋى; 3) اقپارات قاۋىپسىزدىگى ساياساتىنىڭ بولۋى; 4) پارولدەردى قالىپتاستىرۋ جانە پايدالانۋ ساياساتىنىڭ بولۋى; 5) رەزەرۆتىك كوشىرمە جاساۋ (مۇراعاتتاۋ) ساياساتىنىڭ بولۋى; 6) پايدالانۋشىلاردىڭ, قاۋىپسىزدىك اكىمشىلەرىنىڭ, جۇيەلىك اكىمشىلەردىڭ كىرۋىن شەكتەۋ جانە ولاردىڭ مىندەتتەرى جونىندەگى راسىمدەردى سيپاتتايتىن قۇجاتتامانىڭ بولۋى. ميكروقارجى ۇيىمى ءوز قىزمەتى بارىسىندا وسى تارماقتىڭ 2) تارماقشاسىندا بەلگىلەنگەن تالاپتى ورىندايدى. 42. ۇيىم (ميكروقارجى ۇيىمىن قوسپاعاندا) تومەندەگىلەر قامتىلاتىن اقپاراتتىق جۇيەمەن جۇمىس ءتارتىبىن انىقتايتىن ىشكى قۇجاتتى قابىلدايدى: 1) جاۋاپتى تۇلعالاردىڭ مىندەتتەرى جۇكتەلەتىن قىزمەتكەرلەردى تاعايىنداۋ ءتارتىبى; 2) جۇمىس رەجيمى; 3) لاۋازىمدىق نۇسقاۋلىقتاردى قوسا العاندا, جاۋاپتى تۇلعالاردىڭ قۇقىقتارى مەن مىندەتتەرى; 4) وپەراتوردىڭ جۇمىس ورنىنا كىرۋگە رۇقسات بەرىلگەن قىزمەتكەرلەردىڭ ءتىزىمى; 5) ايىرىقشا جاعدايلاردا (داعدارىس جاعدايىندا, سونداي-اق قىزمەتكەردىڭ ورنىن اۋىستىرعان جاعدايدا) وپەراتوردىڭ جۇمىس ورنىنا كىرۋگە رۇقسات بەرىلگەن قىزمەتكەرلەردىڭ ءتىزىمى. ميكروقارجى ۇيىمىنا وسى تارماقتىڭ 3), 4) جانە 5) تارماقشالارىندا كوزدەلگەن تالاپتار قولدانىلادى. 43. جاۋاپتى تۇلعالار: 1) اقپاراتتىق جۇيەلەر رەسۋرستارىنا كىرۋ ءۇشىن بىرەگەيلەندىرۋ جانە بىردەيلەستىرۋ راسىمدەرىنىڭ مىندەتتىلىگىن قامتاماسىز ەتەدى; 2) اۆتوريزاتسيالانباعان پايدالانۋشىلاردىڭ اقپاراتتىق رەسۋرستارعا كىرۋ قۇقىعىن الۋىنا جول بەرمەيدى; 3) اقپاراتتىق جۇيە وڭدەيتىن اقپاراتتىڭ رەزەرۆتىك كوشىرمەسىن جاساۋدىڭ جۇيەلى بولۋىن باقىلايدى; 4) جۇيە رەسۋرستارىنىڭ قورعالۋ سەنىمدىلىگىن جوسپارلى جانە جوسپاردان تىس تەكسەرەدى; 5) كورپوراتيۆتىك جەلىنىڭ جابدىقتارىن, ونىڭ ىشىندە ارنايى جەلىارالىق باعدارلامالىق قۇرالداردى قورعاۋدى قامتاماسىز ەتەدى; 6) قاۋىپ-قاتەردى كورسەتۋ جانە بۇزۋشىلاردى انىقتاۋ جونىندە شارالار قابىلدايدى; 7) وقيعالار جۋرنالىن, ونداعى اقپاراتقا رۇقسات ەتىلمەگەن كىرۋ ارەكەتتەرى بولعان جازبالاردى جۇيەلى تۇردە قاراپ وتىرادى. 44. ۇيىم قىزمەتكەرلەرى (جاۋاپتى تۇلعا, اكىمشى, وپەراتور) ولاردىڭ قىزمەتتىك مىندەتتەرىن ورىنداۋ بارىسىندا بەلگىلى بولعان اقپاراتتى جاريا ەتپەيتىنى جانە تاراتپايتىنى تۋرالى جازباشا مىندەتتەمە بەرەدى. 45. جاۋاپتى تۇلعا جۇمىستان شىققان جاعدايدا ۇيىمنىڭ نەگىزگى اقپاراتى جوسپاردان تىس اۋىستىرىلادى, بۇل تۋرالى كرەديتتىك بيۋرو حاباردار ەتىلەدى. نەگىزگى جاڭا اقپارات ول جۇمىستان شىعارىلعان كۇننەن باستاپ قولدانىسقا ەنگىزىلەدى. 46. ۇيىمداعى نەگىزگى اقپارات بار سىرتقى تاسىمالداعىشتاردى ساقتاۋ جانە پايدالانۋ ءتارتىبى وعان رۇقسات ەتىلمەگەن كىرۋ ارەكەتتەرىنىڭ مۇمكىندىگىن بولدىرمايدى. كرەديتتىك بيۋرولاردىڭ, اقپارات جەتكىزۋشىلەردىڭ جانە كرەديتتىك ەسەپتەردى الۋشىلاردىڭ قىزمەتىن ۇيىمداستىرۋ كەزىندە اقپاراتتىق-كوممۋنيكاتسيالىق تەحنولوگيالاردى پايدالانۋعا جانە اقپاراتتىق قاۋىپسىزدىكتى قامتاماسىز ەتۋگە قويىلاتىن تالاپتارعا 1-قوسىمشا نىسان ________________________________________ (قاتىسۋشىنىڭ اتاۋى) كرەديتتىك تاريحتى قالىپتاستىرۋ جانە ونى پايدالانۋ جۇيەسىنىڭ قاتىسۋشىلارىنا (ميكروقارجى ۇيىمىن جانە كرەديتتىك تاريح سۋبەكتىسىن قوسپاعاندا) قويىلاتىن تالاپتارعا سايكەس كەلۋى تۋرالى اكت ________________________________ ________________ جاسالعان ورنى كۇنى وسى كرەديتتىك تاريحتى قالىپتاستىرۋ جانە ونى پايدالانۋ جۇيەسى قاتىسۋشىسىنىڭ اقپاراتتىق قىزمەت كورسەتۋ نارىعىنداعى ءوز قىزمەتىن باستاۋعا جانە ولاردىڭ كرەديتتىك بيۋرولاردىڭ, اقپارات جەتكىزۋشىلەردىڭ جانە كرەديتتىك ەسەپتەردى الۋشىلاردىڭ قىزمەتىن ۇيىمداستىرۋ كەزىندە اقپاراتتىق-كوممۋنيكاتسيالىق تەحنولوگيالاردى پايدالانۋعا جانە اقپاراتتىق قاۋىپسىزدىكتى قامتاماسىز ەتۋگە قويىلاتىن تالاپتاردى ورىنداۋعا دايىن ەكەنى تۋرالى اكتىنى مىناداي قۇرامداعى كوميسسيا جاسادى: قارجى نارىعىن جانە قارجى ۇيىمدارىن رەتتەۋدى, باقىلاۋ مەن قاداعالاۋدى ىسكە اس